Akun Kaus Wayoik Kritik Pesta Lampion di Pergantian Tahun
VALORAnews - Pesta lampion menyambut tahun baru yang akan digelar Pemko Pariaman di Pantai Gondoriah, jadi perdebatan hangat di grup facebook rang Piaman Laweh, PKDP. Perdebatan ini berawal dari postingan akun Kauih Wayoik Piaman, yang mengkritik pilihan kegiatan yang digelar Pemko Pariaman, dalam menyambut pergantian tahun 2015 ke 2016.
Pemilik akun Kauih Wayoik Piaman, Muhammad Fadhli kemudian menulis surat terbuka dengan judul, "Lampion nan Ka Ditabang(an) Tu...." Surat terbuka itu, ditulis dengan bahasa Minang dialek khas Piaman Laweh. Berikut isi surat terbuka itu.
Assalamualaikum Warrahmatullahi Wabarakatuh
Dek kalam aghi, awak manulih sitatuih di FB tantangan acagha panyambutan taun baghu masehi nan akan diadokan di pantai wisata Gondoriah. Dalam promosi nyo (lewat sejumlah sitatuih FB) dikatokan baso acagha tu akan mandatangan aratih, saghato diwarnai jo manabangan saribu lampion udaro.
Tantangan panyambutan taun baghu masehi lah samo kito caliak; marak penentangan nan dikaka dek ughang bailmu. Bahkan lah ado lo diskursus tersendiri tantang iko, baiak daghi kacomato agamo maupun cultural studies-nyo. Ndak sakali-duo kali lo manjalang taun baghu ko tadanga khutbah jumaik, atau ceramah agamo dek ulama kito nan MANULAK tradisi ko doh. Jaleh taghang dalie-dalie nyo.
Kini tantangan lampion tabang tu lai. Taun 2009 lalu, Discovery Channel mamiliah sajumlah kawasan wisata paliang terkenal penyambutan taun baghu nyo di dunia. Juagha duo e kutiko tu Pingxi, salah satu kawasan wisata di New Taipei Cino. Acagha taun baruan di ingkin terkenal dek ado momen manabangan puluhan ribu lampion ka udaro dek masyarakaik jo wisatawan nan datang. Lampion-lampion tu mambaok do'a nan tatulih saghatonyo. Mangko do'a di tabangan tu supayo makin dakek kalangik kecek e. Dalam kepercayaan thaoisme cino, dewa-dewa yo ado di langik. Mako dituruiknyo lah dewa-dewa tu dek lampion tadi.
Belakangan, acara manabangan lampion ko pun ditighu dek sejumlah daerah di Indonesia. DAERAH WISATA. Salah seorang kawan nan pernah maliput acagha bantuak tu bacaghito, baso memang satiok pengunjung, katiko manabangan lampion, antah e tau sajarah lampion tabang antah indak, otomatis sajo bado'a dalam ati sasuai jo resolusi taun baghu masehi e. Rato-rato pengunjung atau masyarakaik di lokasi acara nan ditanyoan e mangaku mamasang do'a tu, antah disabuik jo lidah atau dalam ati je.
Arti'e disiko lah ado common sense atau bahkan mungkin asumsi bahwa ndak do tujuan manabangan lampion di taun baghu, salain untuak bado'a. Makoe ughang, baiak terencana atau indak, lah mamasang do'a kutiko lampion di tabangan e. Samantagho dalam Islam, sasuai nan wak tau, ndak do cuito e manitip do'a ka benda-benda doh. Do'a tu bahkan bukan profan tapi transendensi awak jo dzat nan mambuek wak. Dan nan jaleh, Allah SWT bukan dewa nan duduak mangamek di langkik. Allah SWT, sasuai dalil naqli-Nyo labiah dakek pado ughek maghiah wak sunsughang.
Baca juga: Apel Siaga Patroli Pengawasan Masa Tenang Pemilu 2024, Ini Harapan Wako Pariaman
"O...itu kan tergantung niat kita masing-masing. Nggak harus juga kaleee nerbangin lampion pake do'a segala...resek amat sih" mungkin ado pandapek nan bak mantun. Kalau iyo iko "tergantung niat kita masing-masing" MANURUIK AWAK buek lo lah acara "masing-masing" supayo mudarat e taghaso dek "masing-masing" lo nyeh. Ndak usah buek acara kolektif nan nantik nyo akan manjadi icon daerah. Apolagi jikok acagha tu didanai lo pakai pitih kas daerah (APBD). Satau wak, nan mambayie pajak sabagai sumber APBD tu sato lo Buya-buya, ustad-ustad, niniak mamak ughang nan malaghang acara taun baru masehi ko dek umek ataupun anak-kamanakan e. Tamasuak mamak wak nan warga kota.
Penulis:
Editor: Devan Alvaro
Sumber:
Berita Terkait
