Kaos Wayoik Kritik Pariaman ASTC Triathlon Asian Cup 2015

Awak ndak bagaghah gai doh kutiko ado ide mambuek acara olimpiade pamenan tradisi Piaman doh. Walau kecek sbaagian ughang nan inlander pamainan supo gasiang, patuak lele, cak bur, sidapak tu kuno, tapi co caliak a nan dibuek urang barat kini; Ado tandiang manggendong bini, tandiang maambua daghi tabiang, tandiang maumbanan lauak gai. Ghami taghuih pesertae. Level internasional acagha e. Datang wisatawan ntuak mancaliak acara tu. Padoal itu adolah bentuk kebosanan ughang barat terhadap standarnyo sughang. Co kalau di ajak lo e bule2 tu main pamainan "kuno" wak tu klu ndak candu e koh. Sabauk a? Sabauk pamainan tradisional wak tu p[unyo niali2 kemanusiaan; menekan egoisme, membentuk kekuatan tim, banyak strategie dan nan penting bana; MANANG TAPI NDAK MANGALAHAN! Co caliak, nan manang jo nan kalah samo2 galak kutiko main patuak lele ndak? Ha tu contohe. Awak lah buktian tu moh. Itu baghu pamainan anak2, alun lai pamainan nan labiah tinggi nilai budayanyo bantuak silek atau luambek.

Untuak apak2/ibu2 di pamarentahan, janlah latah juo lai. Mambana wak. Ko, a nan dibuek ughang je nan wak buek taghuih nyeh. Bueklah nan baghu dek a nyeh. Baghu makasuik wak, bahan e bahan lamo, kemasan e baghu. Pamainan tradisional misal e, kan lamo tu ha. A itu bahan e. Kemasan e nan dipabaghu, baiak tu daghi pola kompetisi e, promosi e, manajemen kepenontonan e...dsb. Btanyolah apak/ ibuk ka nan tau. Ka para seniman kampuang, atau ka akademisi buliah juo.

Sakali lagi, ambo mohon maaf ajo2/uniang2. Kok awak lo nan jadi silang bapangka, kajo bapokok untuak alek nan maaguang-aguangan budayo lua, yo ndak masuak dalam logika wak doh. Jan kuno e lai apak2 pamarentah. Maju lah lai! Kalau ndak juo paham apak2 doh, baa nee? Bakambangan bana pangana wak lai? Lia amuah pak mandanga nan mudo? Atau li amuah apak mandangan sesepuh-sesepuh adaik kito? Kok yo pai lah pak ka galanggang....duduak bana lah. Danga lah rakyaik ko mangecek pak....

Baca juga: Angker! Tak Ada Lagi yang Berani Tinggal di Desa Ini, Warganya Tertimbun Longsor Padang Pariaman

Lah tu, singan iko je lah tulisan wak ko. Kok ado nan ka mancai awak untuak diskusi, cai awak di buak aluang, atau ka Pasca Sarjana ISI Padangpanjang. Wak tungguan! Pi jan baok juo pikiran project minded apak2 lai. Ka manusie mbo mohon maaf, ka Ilahirabbi mbo mohon ampun.

Assalamualaikum Warahmatullahi Wabarakatuh.

Penulis:
Editor:
Sumber: